Зүгээр л чамтай танилцахыг хүснэ
Зүс зүсээ харалцахийг хүснэ
Зүс зүсээ харалцахийг хүснэ
Зөрүүд зангаар мэтгэлцэхийг хүснэ
Зөн совингоо таахыг оролдоно
Буу хална, бурж алдана
Буруу зөвгүй хадуурч давхина
Санасан бодсоноо нуулгүй ярилцаж
Сайн найзууд болохийг хүснэ
Зүгээр л чамтай зугаацахыг хүснэ
Зүрх сэтгэлээ нээхийг хүснэ
Ганцаардсан сэтгэлээ зад тайтгаруулж
Галзуу найзууд болохыг хүснэ
Өдрийн ярилцсанаа шөнө нь хэрэгжүүлж
Өнчин дэрэн дээр зүүдэлж хононо
Булчин шөрмөсийг чинь сэтгэлдээ төсөөлж
Булиа энгэрийг чинь зүүдэндээ налж
Ганц шөнийг чамд зориулж
Галзуу хүслээ илчлэхийг хүснэ
Миний мэдэх хэрнээ, мэдэхгүй
Мэссэнжэрийн хонгорхон найз минь ээ
Хөөрцөглөж баярласан
Хөнгөн гунигт автсан үедээ
Хөтлөлцөөд алхахгүй гэхээс л
Хөгийн санагдаад байх юм аа

----------------------------------------------------------------

Чамайг уйлахад чинь
Би навч болж гуниглаад
Чимээгүйн алсруу хийсчихдэг юм
Чин зүрхэнд минь
Салхи сийгэн үлээж
Чи бид хоёрыг дааруулдаг юм
Яг анхных шигээ байж чадаагүй болхоор
Яахав дээ... би гуниглаад л явъя
Дэр нэгтгэсэн шөнүүдээ мартчихаад
Дэнгийн эрвээхэй шиг зовсоор л байя

Чи бид хоёр нар шиг мандаагүй юм чинь
Чимээгүй хорвоог гэрэлтүүлж зул шиг бадамлан жаргая
Гашуун үнэн
Ганцхан хорвоо дээр үлдсэн гээд
Гар гараасаа атгасаар
Диваажин тийш нисье. Гэхдээ
Үхэл чамд
Үнэнийг аваачихаар би л ганцаараа одъё
Үнэндээ жаргалыг эрсэндээ бус
Зовлонгоос зугатсаныг минь харин уучилж чадах уу